Sunayen Gwamnonin Da Ke Hanun EFCC

Yanzu haka akwai wasu tsofaffin Gwamnonin Kasar nan da ke hannun Hukumomin yaki da satar dukiyan kasa. Mun tsakura wasu daga cikin tsofaffin Gwamnonin Arewacin Kasar da ke shari’a a Kotu.
1. Abdullahi Adamu
Ana zargin tsohon Gwamnan Jihar Nasarawa anata Abdullahi Adamu wanda yayi mulki daga 1999 zuwa 2007 da laifin lakume wasu Biliyan 15.
2. Ahmad Sani Yerima
Tsohon Gwamnan Jihar Zamfara wanda shi ma yanzu Sanata ne da laifin karkatar da wasu Naira Biliyan 1 lokacin da yake kujerar Gwamna.
3. Joshua Dariye
Hukumar EFCC na zargin tsohon Gwamnan Filato da laifin wawure Naira Biliyan 1.162 na dukiyar Jihar sa lokacin yana Gwamna.
4. Ibrahim Shekarau
Bayan tsohon Gwamnan na Kano ya sauka daga mulki ne aka fara zargin sa da raba kudi har Naira Miliyan 950 lokacin zaben 2015.
5. Jonah Jang
Ana zargin wani tsohon Gwamnan na Filato da laifin yin awon-gaba da sama da Naira Biliyan 6 lokacin da yake shirin barin kujerar sa.
6. Saminu Taraki
EFCC na zargin Saminu Turaki na Jihar Jigawa da satar kudin da su ka haura Naira Biliyan 36 lokacin da yayi Gwamna daga 1999 zuwa 2007.
7. Sule Lamido
Ana zargin shi ma Magajin Saminu Turaki da laifin damfarar mutanen Jihar sa kudin da su ka haura Naira Biliyan 1.35.
8. Ibrahim Shema
Ana zargin tsohon Gwamnan Jihar Katsina da laifin yin awon-gaba da sama da Naira Biliyan 5.7 na kudin SURE-P lokacin yana Gwamna.
9. Bukola Saraki
Haka kuma ana zargin Shugaban Majalisar Dattawa Bukola Saraki da kin bayyanawa Duniya kadarorin da ya mallaka lokacin yana Gwamna.
10. Attahiru Bafarawa
Ana shari’a da tsohon Gwamnan Sokoto Alhaji Attahiru Dalhatu Bafarawa inda ake zargin sa da laifin satar Naira Biliyan 15.
11. Murtala Nyako
Tsohon Gwamnan Adamawa yana ganin ta kan sa a Kotu inda ake zargin sa da ‘Dan sa da laifin sace Naira Biliyan 29 na Jihar.
12. Danjuma Goje
Hukumar EFCC na zargin tsohon Gwamnan Gombe da laifin satar kudi har Naira Biliyan 25 a lokacin da yake kujerar Gwamna.
13. Gabriel Suswam
Shi ma dai tsohon Gwamnan Benuwe akwai zargin da ke kan sa na satar kudin Jama’a har sama da Biliyan 3 lokacin da yayi Gwamna.Kamar yadda Daily Trust ta kawo jerin, sauran tsofaffin Gwamnonin da ake zargi da laifin sata sun hada da:
14. Ahmad Fintiri
15. Micheal Botmang
Kwanan nan ma dai aka fara binciken tsohon Gwamnan Jihar Kaduna Muktar Ramalan Yero kan zargin cin wasu kudin Talakawa har Naira Miliyan 750 da yayi. Yanzu haka dai an garkame Yero tun jiya.
Source :naij hausa

naijasole

CLICK TO DROP YOUR COMMENT


Be the first to comment

Leave a Reply

Your email address will not be published.


*